Թուրքիայի ընդդիմադիր ժողովրդա-հանրապետական կուսակցության փոխնախագահ Սեզգին Թաիրուկուլուն ընդգծել է, որ թուրքական հատուկ ծառայությունները հաղորդել են, որ այս տարվա հունվարի 12-ին իշխանությունների կողմից բռնագրաված բեռնատարները զբաղվել են Սիրիային «մարդասիրական» օգնություն տրամադրմամբ: Իրականում, նրանք հրթիռներ, հրթիռային սարքեր եւ ծանր սպառազինություն են փոխադրել «Իրաքի եւ Շամի (Լեւանտի) իսլամական պետության» զինյալներին:
Դիարբեքիր նահանգում կայացած մամուլի ասուլիսին Թանրիկուլուն կոչ է արել դիմել Միջազգային քրեական դատարան Էրդողանի դեմ մեղադրանքով, ով Սիրիայում ռազմական հանցագործություններ եւ Թուրքիայի հարավ-արեւլքում զանգվածային սպանություններ է իրականացնում:
Նա նշել է, որ իր կուսակցության ձեռքի տակ Ադանա քաղաքում հունվարի 19-ին մարդասիրական օգնության սքեմի տակ Սիրիայի զինյալներին զենք ու զինամթերք փոխադրող երեք բեռնատարների բռնագրավման պաշտոնական փաստաթղթեր կան:
Թանրիկուլուն նշել է, որ վարորդները իրենց հայտարարություններում հաստատել են, որ ծանր զինամթերքը օտարերկրյա օդանավով ստացվել է Անկարայի Ասենբոգի միջազգային օդանավակայան: Էրդողանը ստացված զենքը վերահասցեավորել է մարդկության դեմ հանցագործություններ իրականացնող ահաբեկչական խմբավորումներին, փոխանցում է SANA պետական ինֆորմացիոն գործակալությունը: