Վանաձոր-Ստեփանավան մայրուղու վրա ոչ ոք թունելից խողովակ չի վերցրել: Այդ մասին այսօր՝ հուլիսի 24-ին, լրագրողներին հայտարարեց Հայաստանի տրանպորտի եւ կապի փոխնախարար Արթուր Առաքելյանը: Հարցին՝ ճի՞շտ է արդյոք, որ թունելից պատգամավոր եւ Հայաստանի նախագահի եղբայր Ալեքսանդր Սարգսյանի համար ջրատար խողովակներ են վերցրել, Առաքելյանը հայտարարեց, որ այդ բամբասանքները ոչ մի հիմնավորում չունեն: «Դա, բնականաբար, չի եղել եւ չէր էլ կարող լինել»:
Հարցին՝ ինչպիսի՞ աշխատանքներ են տարվում թունելում, Առաքելյանը պատասխանեց, որ այնտեղ պրոֆիլակտիկ բնույթի աշխատանքներ են ընթանում, որոնք բացառում են թունելից խողովակների կամ այլ սարքերի դուրսբերումը: