Անհեթեթություն են տարածված լուրերը, թե ԱԺ ՀՀԿ խմբակցության պատգամավոր Շուշան Պետրոսյանը վայր է դնելու մանդատը։ Այս մասին այսօր՝ հուլիսի 24-ին, ՀՀԿ ԳՄ նիստից հետո լրագրողների հետ զրույցում ասաց ՀՀԿ մամուլի խոսնակ, ԱԺ փոխնախագահ Էդուարդ Շարմազանովը։
«Շուշան Պետրոսյանը մեր քաղաքական թիմի ներկայացուցիչներից մեկն է, մեր գործընկերն է եւ անհեթեթություն են նման լուրերը, չկա նման բան»,- ասաց նա։
Նշենք, որ կուտակայինի աղմկահարույց օրինագծի քվեարկության ժամանակ ըստ մամուլի հրապարակումների՝ Շուշան Պետրոսյանը կողմ չէր քվեարկել, որից հետո ՀՀԿ-ում ակտիվ քննարկվում են երգչուհու՝ պատգամավորական մանդատը վայր դնելու մասին։