ՆԱՏՕ-ն ծրագրում է արեւելյան հատվածում խոշորագույն բազա ստեղծել, որպեսզի կարողանա Ռուսաստանի սահմաններին մոտեցնել արագ արձագանքման ենթակառուցվածքները: Այս մասին տեղեկացնում է ИТАР-ТАСС-ը՝ հղում կատարելով Եվրոպայում ՆԱՏՕ-ի Միացյալ զինված ուժերի գլխավոր հրամանատար Ֆիլիպ Բրիդլավին:
«Քննարկվում են տեղակայման հնարավոր վայրերը, սակայն բազայի ստեղծման հիմնական վայր է դիտարկվում Բալթիկ ծովի ափին գտնվող լեհական քաղաք եւ նավահանգիստ Շչեցինը»,- նշել է գեներալը:
Բացի այդ, Բրիդլավը տեղեկացրել է, որ ծրագրվում է բազան համալրել զենքով, զինամթերքով եւ սննդամթերքով: Հարցի քննարկումը, հավանաբար, տեղի կունենա Մեծ Բրիտանիայում առաջիկայում կայանալիք ՆԱՏՕ-ի գագաթաժողովի ընթացքում:
