Հորդանանի արեւմտյան ափին հուլիսի 24-ին իսրայելցիների հետ բախումների զոհ է դարձել 2 պաղեստինցի, մոտ 200-ը վիրավորվել են:
Sky News Arabia հեռուստաալիքը հայտնում է, որ անկարգությունները ծագել են Կալանդիա անցակետի մոտ՝ Երուսաղեմից հյուսիս, բողոքի ցույցերի ժամանակ, որի մասնակիցները պահանջում էին դադարեցնել Գազայի հատվածում Իսրայելի ռազմական գործողությունը:
«28 հազարի երթ» անվանումը ստացած բողոքի ակցիայի մասնակիցները մտադիր էին Ռամալայից Երուսաղեմ հասնել:
Մի քանի տասնյակ հազարանոց բողոքի ցույցը վերաճել է իսրայելցի զինվորականների հետ բախումնեի: Ցուցարարները վերջիններիս վրա «Մոլոտովի կոկտեյլներ» եւ քարեր են նետել: Ի պատասխան զինվորականները կրակ են բացել, հայտնում է ԻՏԱՌ-ՏԱՍՍ_ը:
Իսրայելցիների կողմից տուժածների մասին տվյալներ չկան:
