Գյումրիում հուլիսի 24-ի գիշերը սպանված 36-ամյա Էդգար Անտիկյանը մսավաճառ էր, աշխատում էր քաղաքի կենտրոնական շուկայի Լաչինի միջանցք կոչվող հատվածում:
NEWS.am-ին շուկայի աշխատողները պատմեցին, որ զարմացած են կատարվածի համար, քանի որ Էդգար Անտիկյանը շատ հավասարակշռված երիտասարդ է եղել, ոչ մեկի հետ երբեք կոնֆլիկտ չի ունեցել: Գյումրեցիները մեզ պատմեցին, որ կենցաղային վեճ է եղել շուկայական առեւտրի հետ կապված:
Մեր տեղեկություններով՝ Էդգարն ամուսնացած էր, ուներ 2 անչափահաս երեխա, իսկ դեպքը տեղի է ունեցել հենց իրենց թաղամասում:
Նշենք, որ հանցագործությունը կատարած անձին ոստիկանությունը դեռ չի հայտնաբերել:
Ավելի վաղ NEWS.am-ը հայտնել էր, որ հուլիսի 24-ի գիշերը ծեծկռտուք է տեղի ունեցել Գյումրիում, որի ընթացքում դանակահարվել է Աթարբեկյան 78 հասցեի բնակիչ, 36-ամյա էդուարդ Ռոբերտի Անտիկյանը: Վերջինիս ծայրահեղ ծանր վիճակում տեղափոխել են հիվանդանոց, որտեղ էլ վիրահատական բաժանմունք ուղեկցելու ճանապարհին մահացել է: