Հարավային Կարոլինայի Չարլսթոն նավահանգստում, որտեղ հազարավոր աֆրիկացի ստրուկներ առաջին անգամ ԱՄՆ են ոտք դրել, շուտով կսկսվի մեծ թանգարանի շինարարություն: Այն նվիրված է լինելու Հյուսիսային Ամերիկայում սեւամորթների ստրկությանը եւ ազատագրական շարժմանը:
Թանգարանը զբաղեցնելու է 4000 քմ մակերես, փոխանցում է Canada.com-ը: Այն գտնվելու է Հադսդեն նավահանգստի մոտ, որտեղ իջեցրել են սեւամորթ առաջին ստրուկներին: Մինչեւ XIX դարը աֆրիկացիների գրեթե կեսը Ամերիկայում են հայտնվել հենց Հարավային Կարոլինայով, փոխանցում է Travel.ru-ն:
Ըստ տեղի իշխանությունների` թանգարանը կդառնա ամենանշանավորն ԱՄՆ-ում: Դիզայնի մշակումը եւ ցուցադրությունը ղեկավարելու է Ռալֆ Ապելբաումը` Վաշինգտոնում Հոլոքոստի զոհերի հուշահամալիր-թանգարանի ստեղծողը: