«Հայաստանի նոր քաղաքական մշակույթ» կուսակցությունն իրական ընդդիմություն է, եւ մնացած բոլոր ուժերը պիտի համախբվեն այս կուսակցության շուրջը։ Այս մասին այսօր՝ հուլիսի 25-ին, լրագրողներին ասաց Անի Զախարյանը։
«Այս մեկ տարվա ընթացքում ես ապացուցել եմ, որ բացարձակապես ոչ պաշտոնի բարձրացման խնդիր եմ առաջ քաշում, ոչ որեւէ կեղծ ընդդիմադիր շարժումների մեջ եմ ընդգրկված, այլ լուրջ պետականամետ գործունեություն եմ առաջ քաշել եւ իրականացնում։ Այսինքն այսօրվա ոչ լեգիտիմ իշխանությունը միմիայն պետք է ուրախ լինի, որ Հայաստանի քաղաքական իրականություն մուտք է գործել ՀՆՔՄԿ, որը առանց որեւէ լծակներ ու լուրջ ֆինանսական միջոցներ ունենալու կապահովվի այն գործը, որոնք իրենք պիտի անեն»,-ասաց Անի Զախարյանը։
Նրա խոսքով՝ՀՆՔՄԿ-ը իր վրա է վերցրել նաեւ քաղաքական վերահսկողության դերը. «Այսօր Անի Զախարյանը իրականացնում է այն, ինչ պետք է անի նախագահ Սերժ Սարգսյանը, որը, ցավոք սրտի, չի անում»։
Անի Զախարյանը նշեց, որ այսօր իրականում լուրջ աշխարհաքաղաքական իրավիճակ է ստեղծված եւ Հայաստանը, որը Ղարաբաղի եւ սոցիալ տնտեսական խնդիրներ ունի, այսօր իր բոլոր քաղաքական դիրքորոշումը եւ հատկապես ներքաղաքական իրավիճակում տեղի ունեցող պրոցեսները լիարժեք բարեփոխելու կարիք ունի։
Լուսանկարը՝ Արսեն Սարգսյանի/NEWS.am