Հայաստանում Վարուժան Մուրադյանի խաղողի այգուց ոչ հեռու հնագույն գինեգործական բնանկարի ֆոնին հազարամյա հրաբխային քարեր են տեղադրված: Հայաստանում է գտնվում աշխարհի հնագույն գինեգործական վայրը, որը հետազոտողները գտել են մի քանի տարի առաջ, քարանձավում, սակայն այս երկիրը չի համարվում աշխարհի գինեգործության կենտրոն: Այդ մասին գրում է «Glendale News-Press» թերթը:
Սա չի խանգարել քալիֆորնիական Գլենդել քաղաքի բնակիչ Վարուժան Մուրադյանին հող գնել եւ խաղողի այգի հիմնել: Մուրադյանն պարզապես սիրահարվել է Սանտա-Ինես դաշտավայրի Նապեի գինեգործական խանութին, երբ ապրում էր Քալիֆորնիայում, եւ նույն մթնոլորտն էլ ցանկանում է իր հայրենիքում ստեղծել՝ անկախ ռիսկերից:
Մուրադյանը կարծում է, որ Հայաստանը կարող է բարելավել իր հեղինակությունը գինեգործության ասպարեզում եւ արտահանել նրբաճաշակ գինի: Նրա խոսքով՝ կառավարությունը դանդաղորեն հարկային խթաններ է տալիս այս ոլորտում աճի համար, եւ գինեգործները, ինչպես եւ ինքը, ցանկանում են բարձրացնել երկրի զբոսաշրջային գրավչությունը:
«Հայաստանը որպես գինեգործ երկիր հայտնի չէ քարտեզի վրա, սակայն ես համոզված եմ, որ 5-6 տարի անց Հայաստանը աշխարհի ամենահայտնի գինեգործական երկրներից մեկը կդառնա», - նշել է Մուրադյանը:
