Գյումրիի Մինաս Ավետիսյան 33/38 հասցեից այսօր՝ հուլիսի 25-ին, հիվանդանոց տեղափոխված 31-ամյա Թորոս Հակոբյանը դանակահարվել է երեկ ուշ երեկոյան տեղի ունեցած վիճաբանության ժամանակ, որտեղ դանակահարվել էր նաեւ Էդգար Անտիկյանը, որը հիվանդանոցում ավելի ուշ մահացել էր: Այս մասին NEWS.am-ի հետ զրույցում ասաց Շիրակի մարզպետ Ֆելիքս Ցոլակյանը:
«Ոստիկանությունից ճշտել եմ, որ եղել է ծեծռտուք, դանակահարվել են երկու երիտասարդ, այդ թվում Թորոս Հակոբյանը, պարզապես ինքն այսօր է հիվանդանոց դիմել: Այս դեպքը բացահայտված է»,- ասաց մարզպետը՝ հորդորելով մյուս հարցերի համար դիմել ոստիկանության լրատվական ծառայություն:
Նշենք, որ դեպքը տեղի էր ունեցել հուլիսի 24-ի գիշերը: Մեր ունեցած տեղեկություններով՝ 36-ամյա մսավաճառ Էդգար Անտիկյանին դանակահարել էր վերջինիս հորաքրոջ որդին:
