News
Լրահոս
News
Երեքշաբթի
Մարտ 19
Տեսնել լրահոսը

Օգոստոսի 1-ից էլեկտրաէներգիայի սակագինը բարձրանալու է: Բացի մի շարք հետեւանքներից, անխուսափելիորեն աճելու է մայրաքաղաքի էլեկտրատրանսպորտի ուղեվարձի ինքնարժեքը: Սակագնում էլեկտրաէներգիայի մասնաբաժնի մասին NEWS.am-ի թղթակցի հարցին տրոլեյբուսային պարկի տնօրենն աներեւակայելի թիվ ներկայացրեց: Նրա խոսքով, ձեռնարկության ընդհանուր եկամուտի մինչեւ 90%-ը վճարում են էլեկտրաէներգիայի համար: Այդ պատճառով, տրոլեյբուսի ուղեվարձը նախկին մակարդակին պահելու համար ստիպված կլինեն ավելացնել պետական դոտացիաները:

Փակուղում հայտնված Երեւանի քաղաքապետարանը փնտրում եւ երբեմն աբսուրդային լուծումներ է գտնում հասարակական տրանսպորտի խնդիրը լուծելու համար: Իբր, վատ չէր լինի, եթե տրանսպորտի մի մասը «թանկ» լիներ, այդ դեպքում հարմարավետությունն ապահովված կլիներ: Իսկ ահա 100 դրամ սակագնի դեպքում ամեն ինչ նույնը կմնա: Այսինքն՝ սարսափելի անհարմար:

Այս ամենն ինչ-որ չափով հիշեցնում է ամերիկյան հարավային նահանգներում նախկինում տիրող իրավիճակը: Օրինակ՝ Ալաբամա նահանգի Մոնթգոմերի քաղաքում սեւամորթ քաղաքացիները չպետք է ավտոբուսում առաջին չորս շարքերում տեղ զբաղեցնեին, քանի որ դրանք նախատեսված էին «միայն սպիտակների համար», ինչի մասին վկայում էր մուտքի մոտ փակցված գրությունը: Մի քիչ փոխակերպված տարբերակով, բայց, փաստորեն, նման տարբերակում է առաջարկում Երեւանի քաղաքապետարանը. քաղաքացիներին տարբերակել՝ նրանց վճարունակությունից ելնելով: Բայց բոլորի համար պարզ է, որ դրան շուտով հետեւելու է սակագների զանգվածային բարձրացումը:

Տարիներ առաջ շահագործումից հանեցին տրամվայը՝ ամենաէժան տրանսպորտային միջոցը, որը բավական լավ արագությամբ էր երթեւեկում: Ի դեպ, Սպառողների ասոցիացիան միշտ կողմ է արտահայտվել էլեկտրատրանսպորտին: Փաստարկները հետեւյալն էին. այն հիմնված է տեղական էներգակրի վրա, բնապահպանական տեսանկյունից «մաքուր» տրանսպորտ է: Սակայն որոշումներ կայացնող պաշտոնյաների «տրամաբանությունն» այլ է:

Մայրաքաղաքային հասարակական տրանսպորտի ոլորտում չարիքի արմատը քաղաքային տնտեսությունը մի քանի տասնյակ կազմակերպությունների միջեւ մասնատելու մեջ է: Յուրաքանչյուր «գծատեր», բնականաբար, անսահման ախորժակ ունի: Սակայն սեփական եկամուտը մեծացնելը փոքր-ինչ դժվար է, քանի որ միեւնույն սակագնի պարագայում քաղաքային երթուղիների շահագործումից ընդհանուր եկամուտը կայուն առավելագույն մեծություն ունի: Կարելի է նվազեցնել ինքնարժեքի մակարդակը, սակայն Երեւանի քաղաքային տրանսպորտի ոլորտում նման ֆեոդալական կարգերի պարագայում այդ անիրական է:

Տրանսպորտային կազմակերպությունների ղեկավարների խոսքով, անցած տարիներին ինքնարժեքի աճը նվազեցրել է իրենց եկամուտը: Այդ պատճառով էլ իրենք «դժգոհ են»: Հասկանալի է, որ եթե մի քանի տասնյակ «գծատերերի» փոխարեն միայն մեկ սեփականատեր լիներ (ֆիզիկական կամ իրավանաբական անձ), ապա նրան կբավարարեր ներկա եկամուտը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. տուգանքի չափը կազմել է 52․45 մլն դրամ
Պետական եկամուտների կոմիտեն տեղեկացնում է, որ 2024 թվականի փետրվար...
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Դոլարն ու եվրոն էժանացել են
ԱՄՆ դոլարի փոխարժեքն այսօր՝ մարտի 18-ին, կազմել է…
Կանանց տնտեսական զորեղացման ուղղությամբ ՀՀ կողմից իրականացվող ծրագրերը ներկայացվել են Նյու Յորքում քննարկման շրջանակում
Անդրադառնալով կին ձեռներեցների գործունեությանը խրախուսելու ՀՀ կառավարության քաղաքականությանը՝ նախարար Մկրտչյանն այս գործընթացում...
PROFAL-ը և ML Mining-ը համագործակցության պայմանագիր են ստորագրել
Երկու ընկերությունների համագործակցությունը կիրականացվի «Այգիներ Պրեմիում», «Դալմա Հիլզ» և «Ադոնց Պրեմիում» նախագծերի շուրջ...
Կհստակեցվի սպանդային մթերքի և մսամթերքի մակնշման մեջ նշված սննդային արժեքի վերաբերյալ տեղեկությունը
Հանձնաժողովի խորհուրդը մինչև այդ փոփոխությունների ուժի մեջ մտնելը տրված կամ ընդունված սպանդային մթերքի և մսամթերքի համապատասխանության…
Ամենաշատ