Բաքվում առաջին անգամ տեղի է ունեցել ոչ ավանդական կողմնորոշում ունեցող անձանց ֆորում: Ֆորումը գումարել են «Azad LGBT» եւ «Nəfəs LGBT» կազմակեպությունները:
Ադրբեջանի լրատվամիջոցները փոխանցում են, որ ֆորումն անցկացնելու հիմնական նպատակը լեսբուհիների, նույնասեռականների, բիսեքսուալների եւ տրանսվեստիտների իրավունքների պաշտպանության վրա ուշադրություն գրավելն էր:
Միջոցառումը բացել է «Nəfəs LGBT»-ի նախագահ Աթիլա Ջավիդը եւ հայտարարել, որ, այսուհետ ֆորումն անցկացվելու է ամեն տարի: «Azad LBGT»-ի նախագահ Լալա Մամեդովան պատմել է այդ կազմակերպության հանգուցյալ ղեկավար Իսա Շահմարլիի կյանքի եւ անավարտ ծրագրերի, նրա մեծ երազանքի մասին, որը ցանկացել է բացել աշխարհում առաջին LGBT ռադիոն: Այնուհետեւ ցուցադրվել է ֆիլմ` Իսա Շահմարլիի մասնակցությամբ ոչ ավանդական կողմնորոշում ունեցող անձանց մասին:
Ֆիլմից հետո Աթիլա Ջավիդը պատմել է իր կազմակերպության եւ «Nifrət öldürür» ծրագրի մասին: Ֆեմինիստուհիների շարժման նախագահ Ասիման Նասիրլին նշել է, որ Սահմանադրությունը հավասար է պաշտպանում հասարակության բոլոր անդամների իրավունքները` անկախ սեռից: