Ինտերպոլի կայքի հետախուզման բաժնում տեղեկություն է հայտնվել Ուկրաինայի ազգայնական «Աջ սեկտոր» կազմակերպության ղեկավար Դմիտրի Յարոշի հետախուզման մասին:
Միջազգային ոստիկանության կայքում, մասնավորապես, նշվում է, որ «Աջ սեկտոր»-ի ղեկավարը Ռուսաստանի դատական մարմինների կողմից հետախուզվում է «զանգվածային լրատվամիջոցների օգտագործմամբ հրապարակայնորեն ահաբեկչական գործողության դրդելու» եւ «զանգվածային լրատվամիջոցների օգտագործմամբ հրապարակայնորեն ծայրահեղական գործունեության դրդելու» համար քրեական հետապնդման/պատիժը կրելու նպատակով:
Ավելի վաղ Ռուսաստանն Ինտերպոլին հանձնարարել էր Յարոշի նկատմամբ միջազգային հետախուզում հայտարարել եւ ձերբակալել: «Աջ սեկտոր»-ի ղեկավարը Ռուսաստանում հեռակա ձերբակալվել է՝ հրապարակայնորեն Ռուսաստանի տարածքում ծայրահեղական եւ ահաբեկչական գործունեության կոչ անելու մեղադրանքով: