Պարզվել է հուլիսի 24-ին Երեւան-Գյումրի գնացքի տակ ընկած ու մահացած երիտասարդի ինքնությունը։ NEWS.am-ի թղթակիցը հաղորդում է, որ դժբախտ պատահարի զոհը 1980թ. ծնված, Գյումրիի Մուշ 2 թաղամասի բնակիչ Սերգեյ Թամրազյանն է։
Հիշեցնենք, որ ավելի վաղ դատաբժշկական փորձագետ Լիպարիտ Ղուկասյանը մեր թղթակցին ասել էր, որ նախնական գնահատականով երիտասարդն անչափահաս է՝ 16-17 տարեկան։
Սերգեյ Թամրազյանի ինքնությունը հաստատել է հայրը, որի խոսքով որդին տառապում էր մանկամտությամբ։
Հիշեցնենք, որ հարվածից հետո գնացքի մեքենավարը մոտ 200 մետր անցնելուց հետո էր միայն կարողացել արգելակել գնացքը, երիտասարդի մարմինը մասնատվել էր։ Դեպքին ականատեսը NEWS.am-ի թղթակցին պատմել էր, որ երիտասարդը գնացքի ռելսերի վրայով քայլելիս է եղել՝ ականջակալներն ականջներին: Նա չի լսել գնացքի ազդանշանը: