Հարավային Սուդանի բանակն ապստամբներից հետ է վերցրել ռազմավարական նշանակություն ունեցող Նասիր քաղաքը, որի համար հակամարտող կողմերը, չնայած մայիսյան զինադադարին, պայքարում էին արդեն 5 օր:
Նախկին փոխնախագահ Ռիեկ Մաչարին հավատարիմ ուժերը կառավարական զորքերի վրա հարձակվել էին հուլիսի 20-ին, սակայն հուլիսի 24-ին բանակին հաջողվել է մարտերի ընթացքը փոխել իրենց օգտին: Այս մասին տեղեկացնում է BBC-ի ռուսական ծառայությունը:
ՄԱԿ-ը երկու կողմերից էլ պահանջում է հարգել զինադադարի պայմանները: Նոր բանակցությունները նախանշված են հաջորդ շաբաթ:
Բժիշկներն ահազանգում են ռազմական գործողությունների հետեւանքով Հարավային Սուդանում սովի սպառնալիքի մասին: