News
Լրահոս
News
Երեքշաբթի
Մարտ 19
Տեսնել լրահոսը

«Վերնիսաժի» գործով կալանավորված Ներսես Մելքոնյանի փաստաբանը հերքում է նույն գործով կալանավորված Վալերի Հովհաննիսյանի մոր՝ Լիա Հովհաննիսյանի պնդումը, թե Ներսես Մելքոնյանը, որը նրա որդու ընկերն է, միավորվել է ԱԺ ԲՀԿ պատգամավոր Կարո Կարապետյանի (Յուվեցի Կարո) փեսայի՝ Գոռ Առաքելյանի հետ, որպեսզի կրակոցների մեղավորությունը բարդեն Վալերի Հովհաննիսյանի վրա։

«Նման բան գոյություն չունի եւ չէր էլ կարող լիներ։ Եթե Ներսես Մելքոնյանը կալանավորված չլիներ,  գոնե տրամաբանական կհամարեի այդ հայտարարությունը»,- այսօր՝ հուլիսի 25-ին, NEWS.am-ի հետ զրույցում ասաց Ներսես Մելքոնյանի փաստաբան Վարդուհի Էլբակյանը։

Փաստաբանը նշեց, որ ինքն այսօր հանդիպել է Ներսես Մելքոնյանի հետ, իրենք քննարկել են այդ հայտարարությունը եւ որոշել մեկնաբանություններ չանել դրա վերաբերյալ։

«Այժմ քննություն է ընթանում եւ կարծում եմ՝ քննությունը բոլոր հարցերի պատասխանները կտա, թե ով որքանով է մեղավոր եւ ինչ է արել»,-ասաց փաստաբանը։

Նրա խոսքով՝ Ներսես Մելքոնյանի առողջական վիճակը լավ է, ապաքինվում է։

Վարդուհի Էլբակյանը տեղեկացրեց, որ իր պաշտպանյալի՝ Ներսես Մելքոնյանի, կալանքը եւս երկու ամսով երկարացնելու հայց է քննիչը ներկայացրել դատարան եւ  եւ հայցը քննող դատական նիստը տեղի կունենա հուլիսի 29-ին։

Հիշեցնենք, որ Վալերի Հովհաննիսյանի մայրը հայտարարել է, թե Յուվեցի Կարոն ճնշումներ է գործադրում իր որդու նկատմամբ, որպեսզի նա ասի, թե Գոռ Առաքելյանն ինքնապաշտպանության նպատակով է կրակել։ Մայրը վստահ է, որ այս նպատակով օգտագործում են նաեւ Ներսես Մելքոնյանին՝ փորձելով գործը բարդել իր որդու վրա։

Հիշեցնենք, որ ըստ նախնական վարկածի՝ 2014 թ.-ի մայիսի 17-ին «Վերնիսաժի» ավտոկայանատեղիում վիճաբանություն է տեղի ունեցել Գոռ Առաքելյանի եւ Ռուսաստանից նոր վերադարձած Վալերի Հովհաննիսյանի ու նրա ընկերոջ՝ Ներսես Մելքոնյանի միջեւ։ Գոռ Առաքելյանն անկանոն կրակ է բացել, ինչի հետեւանքով 5 մարդ վիրավորվել է, այդ թվում՝ Վալերի Հովհաննիսյանն ու Ներսես Մելքոնյանը, պատահական 3 անցորդ։ Գոռ Առաքելյանը, Վալերի Հովհաննիսյանն ու Ներսես Մելքոնյանը կալանավորված են։

Տպել
Կարդացեք նաև
Ամբողջը
Հրաձգություն Վաշինգտոնում. երկու մարդ զոհվել է, հինգը՝ վիրավորվել
Հայտնի չէ, թե ով է կրակ բացել կամ ինչն է հանգեցրել հրաձգությանը․․․
Կալիֆոռնիայում մի կնոջ են ձերբակալել, որի ճամպրուկում հայտնաբերել են նրա 5-ամյա որդու մասունքները
2022 թվականի հոկտեմբերին Վաշինգտոնի շրջանի դատավորը Անդերսոնին ձերբակալելու օրդեր է տվել
Կրասնոդարի երկրամասի դատարանը պայմանական վաղաժամկետ ազատել է «օրենքով գող» Շաքրո Մոլոդոյին
Ավելի վաղ VChK-OGPU Telegram ալիքը, հղում անելով իր աղբյուրին, հայտարարել էր, որ մարտի 16-ին պետք է...
Սպանություն Արագածոտնի մարզի «Արծվի թեւեր» հանգստյան գոտու հարեւանությամբ. SHAMSHYAN.com
Ոստիկանները պարզել են նաև, որ նա հիվանդանոց է տեղափոխվել քաղաքացիական ավտոմեքենայով․․․
Չեխիան ԱՄՆ-ին է արտահանձնում վրացի քրեական հեղինակություն Փոլադ Օմարովին
Բացի այդ, ԱՄՆ-ում Օմարովին կասկածում են այնտեղ բնակվող իրանցի լրագրող…
Հրաձգություն Դենվերում. երկու մարդ զոհվել է, կան վիրավորներ
Զոհերի անուններն ու մահվան պատճառները կհրապարակվեն ավելի ուշ․․․
Ամենաշատ