Ավստրալական Նոր Հարավային Ուելսի համալսարանի մի խումբ ուսանողներ հայտարարել են արեւային մարտկոցներով էլեկտրական մեքենաների շրջանում արագության նոր ռեկորդ ցուցադրելու մասին: Նրանց սպորտային մեքենան 500 կմ տարածությունն անցնելու է նվազագույնը 73 կմ/ժ արագությամբ:
Sunswift նախագիծը մինչ այդ եւս մեկ համաշխարհային ռեկորդ էր սահմանել. 2011 թվականին նրանց ստեղծած առաջին մոդելը կարողացավ մինչեւ 88 կմ/ժ արագություն հավաքել՝ որպես էներգիայի աղբյուր օգտագործելով արեւի ճառագայթները:
Արեւային էներգիայով աշխատող մեքենայի թեսթավորման ընթացքում, հնարավոր է, հեղինակներին թույլ տա մտածել դրա զանգվածային արտադրության նպատակահարմարության մասին, ինչը Sunswift eVe-ը կդարձնի աշխարհի առաջին զանգվածային արեւային մեքենան: Սակայն ռեկորդի գլխավոր խնդիրը, Sunswift նախագծի ղեկավարության կարծիքով, մեքենայի ունակությունների ցուցադրությունն է, այսինքն՝ որ այս փոխադրամիջոցը կարող է բարձր միջին արագությամբ մեծ տարածություն անցնել: