Հետազտողները պարզել են, որ եթե երեխաներին պատմեն սնունդի օգտակար լինեկու մասին, ավելի քիչ հավանական է, որ նրանք կուտեն այն: Հետազոտությանը մասնակցել են 3-5 տարեկան երեխաներ, որոնց գիտնականները երկու խմբի են բաժանել, հաղորդում է «Mail Online»-ը:
Բոլորին պատմել են պատմություն աղջկա մասին, ով կերել էր կրեկերներ կամ գազար: Առաջին խմբի երեխաներին պատմել էին, թե կրեկերներն աղջկան ուժեղ էին դարձրել կամ օգնել են հաշվել սովորել: Պատմելով նույն պատմությունը երկրորդ խմբին՝ սնունդն օգտագործելու առավելությունների մասին չեն հիշատակել:
Պատմությունից հետո երեխաներին կրեկերներ են առաջարկել: Արդյունքում նրանք, ովքեր չեն լսել սնունդի օգտակարության մասին, ավելի շատ են կերել:
Ամենի պատճառն այն է, բացատրում են Իլինոիս նահանգի Հյուսիս-արեւմտյան համալսարանի հետազոտողները, որ առողջ կամ օգտակար սնունդի մասին տեղեկությունը երեխաների մոտ պատկերացում է ձեւավորում, թե այն տհաճ համ ունի: Ուստի գիտնականները խորհուրդ են տալիս սնունդը երեխաներին տալ առանց մեկնաբանությունների, հայտնում է «FedPost.ru»-ն: