Կենտրոնական Ամերիկայի երեխաներին, որոնք փորձել են ապօրինի անցնել ԱՄՆ սահմանը, կուղարկեն հայրենիք, ուրբաթ հայտարարել է Սպիտակ տան տնօրեն Բարաք Օբաման:
ԱՄՆ նախագահը Վաշինգտոնում տվյալ հարցին նվիրված հանդիպում է անցկացրել Գվատեմալայի նախագահ Օտտո Ֆերնանդո Պերես Մոլինայի, Հոնդուրասի նախագահ Խոան Օռլանդո Էրնանդես Ալվարադոյի եւ Սալվադորի նախագահ Սալվադոր Սանչես Սերենայի հետ:
Անցյալ տարվա հոկտեմբերից ի վեր ԱՄՆ հարավային սահմանում սահմանապահ ծառայությունները բռնել են տասնյակ հազարավոր երեխաների` գլխավորապես այդ երկրներից: Նրանք փորձել են ինքնուրույն, առանց փաստաթղթերի եւ ուղեկցող մեծահասակների, թափանցել ԱՄՆ: Դա դարձել է իսկական միգրացիոն ճգնաժամի պատճառ: Տվյալ հարցը լուծելու համար Օբաման արդեն Կոնգրեսից խնդրել է 3,7 միլիարդ դոլար, փոխանցում է ԻՏԱՌ-ՏԱՍՍ-ը:
«Ապօրինի ժամանած երեխաները հետ կվերադարձվեն», - ասել է Օբաման: Նա նշել է, որ պետք է պայքարել Կենտրոնական Աֆրիկայի երկրներում աղքատության եւ բռնության դեմ: «Ես ընդգծում եմ, որ ամերիկացի ժողովուրդը եւ իմ աշխատակազմը շատ են կարեկցում այդ երեխաներին: Սակայն ես նաեւ անհրաժեշտ եմ համարում շեշտը դնել այն բանի վրա, որ մենք ցանկանում են վերացնել այն իրավիճակը, երբ երեխաներն իրենց վտանգում են», - հավելել է նախագահը: