Գուանտանամոյի զինվորական դատարանը որոշել է, որ ԱՄՆ-ի 2011թ. սեպտեմբերի11-ի ահաբեկչության մեղադրյալներից մեկին առանձին կդատեն, հայտնում է «Ֆրանս Փրեսս»-ը։
Դատավոր Ջեյմս Փոլի հայտարարության մեջ ասվում է, որ մինչ Եմենի քաղաքացի Ռամզի բին ազ Շիբի գործը առանձին վարույթով քննելը, պետք է պարզել, թե հնարավորություն ունի արդյոք մեղադրյալը կանգնել դատարանի առաջ` հաշվի առնելով զինվորական բժիշկների եզրակացությունը վերջինիս մոտ «լուրջ հոգեկան հիվանդության» առկայության վերաբերյալ, փոխանցում է «ՌԻԱ Նովոստին»:
Գործակալությունը նշում է, որ համապատասխան որոշումը դատավորը կայացրել է, որպեսզի չնպաստի դատավարության ձգձգմանը: Ըստ զինդատախազ Մարկ Մարտինսի` 2015 թ. հունվարին ահաբեկչության գործով կարող է ատենակալների ընտրություն տեղի ունենալ, սակայն գործին ծանոթ իրավաբանները պնդում են, որ այդ գործընթացին մեկնարկ կտրվի հաջորդ տարվա աշնանից ոչ շուտ:
Ահաբեկչություն կազմակերպելու հանցակցության վերաբերյալ գործի նախնական լսումը պետք է տեղի ունենա օգոստոսի 11-15-ը: Սպասվում է, որ բոլոր մեղադրյալները, բացի Ռամզի բին ազ Շիբից, ներկա կլինեն դատարանում:
