Ճապոնական երկաթուղային JR East ընկերությունը գործարկել է ճեպընթաց գնացքով ուղիղ երթուղի, որը Տոկիոյի միջազգային Նարիտա օդանավակայանից տանում է հանրաճանաչ Ֆուձի հրաբխի՝ Ճապոնիայի խորհրդանիշներից մեկի ստորոտ:
Ճեպընթաց գնացքով ճանապարհը կտեւի մոտ 3.5 ժամ եւ կարժենա 7040 իեն (մոտ 70 դոլար):
Վերջին կանգառը Կավագուտիկոն է, որ գտնվում է համանուն լճի ափին, որտեղից էլ սկսում է լեռ տանող արահետը: Սպասվում է, որ գնացքը փոխադրումներ կիրականացնի հանգստյան օրերին՝ մինչեւ Ֆուձի այցելությունների տարեշրջանի ավարտը՝ սեպտեմբերի վերջը:
JR East-ում ակնկալում են, որ երթուղին մեծ տարածում կգտնի զբոսաշրջիկների շրջանում, փոխանցում է ԻՏԱՌ-ՏԱՍՍ-ը:
Ֆուձիի՝ Ճապոնիայի ամենաբարձր լեռան բարձրությունը 3776 մետր է: