Գյումրիում հուլիսի 24-ի ուշ երեկոյան դանակահարված, սակայն մեկ օր անց հիվանդանոց դիմած 31-ամյա Թորոս Հակոբյանի վիճակը ծանր է կայուն է: Այս մասին NEWS.am-ին ասաց Գյումրիի բժշկական կենտրոնի տնօրեն Արմեն Իսահակյանը:
«Աղին է վնասվել, գիտակցության է, սակայն այնպիսի վնասվածքներ է ստացել, որ դրանց վտանգավորության մասին կարող ենք խոսել միայն 5-6 օր անց: Այդ ժամանակ հստակ կասենք՝ կյանքին վտանգ սպառնում է, թե ոչ»,- ասաց նա:
Ավելի վաղ NEWS.am-ը հայտնել էր, որ հուլիսի 25-ի կեսօրին Մինաս Ավետիսյան 33/38 հասցեից հիվանդանոց է տեղափոխվել 1983թ. ծնված Թորոս Հակոբյանը: Շիրակի մարզպետ Ֆելիքս Ցոլակյանի խոսքով՝ երիտասարդը դանակահարվել էր դեռեւս հուլիսի 24-ին Աթարբեկյան փողոցում տեղի ունեցած վիճաբանության ժամանակ: Նշենք, որ այդ ժամանակ դանակահարվել, ապա հիվանդանոցում արդեն մահացել էր 36-ամյա Էդգար Անտիկյանը:
