«Իրաքի եւ Լեւանտի (Շամի) իսլամիստական պետություն» ահաբեկչական կազմակերպությունը Մոսուլում ոչնչացրել է աստվածաշնչյան երկու մարգարեների գերեզմանները:
Ահաբեկիչները սկզբում ոչնչացրել էն Իոնա մարգարեի գերեզմանը, իսկ հետո պայթեցրել են Դանիել մարգարեի գերեզմանը, հաղորդում է «Ալ-Արաբիան»: Երկու գերեզմաններն էլ մահմեդականների եւ քրիստոնյաների կողմից սրբատեղի էին համարվում, սակայն վերոհիշյալ խմբավորումը իսլամի ծայրահեղական սուննի հոսանքին է պատկանում, որը դատապարտում է սրբերի գերեզմանների երկրպագությունը:
Վերջին տվյալներով՝ զինյալները Մոսուլի շրջանում մոտ 30 սրբատեղի են ոչնչացրել:
Հիշեցնենք, որ ավելի վաղ իսլամիստները Մոսուլի քրիստոնյաներին հրամայել էին լքել քաղաքը կամ ընդունել իսլամ, վճարել հատուկ հարկ եւ կամ պատրաստվել մահվան: Բացի այդ, «Իրաքի եւ Լեւանտի (Շամի) իսլամական պետություն» կազմակերպությունը մտադիր է բռնի թլպատել ավելի քան 4 մլն կանանց եւ աղջիկների: