Ռուսաստանի Դաշնության ԱԳՆ-ում Եվրամիության կողմից լրացուցիչ պատժամիջոցները որակել են որպես ահաբեկչության դեմ պայքարում Ռուսաստանի հետ ամբողջական փոխգործակցության դադարեցում:
«Լրացուցիչ պատժամիջոցային ցուցակը ուղղակի վկայությունն է այն բանի, որ ԵՄ երկրները միջազգային եւ տարածաշրջանային անվտանգության հարցերում, ներառյալ զանգվածային ոչնչացման զենքի տարածման, կազմակերպված հանցավորության եւ այլ նոր մարտահարվերների ու վտանգների դեմ պայքարում,Ռուսաստանի հետ փոխգործակցությունից ամբողջական հրաժարման ուղղություն են վերցրել», - ասվում է գերատեսչության կայքում տեղադրված նյութի մեջ, հաղորդում է «Ինտերֆաքսը»:
Եվրամիության «Պաշտոնական ամսագիրը» շաբաթ երեկոյան հրապարակել է ուկրաինական իրադարձություններով պայմանավորված պատժամիջոցային ցուցակը 15 ֆիզիկական եւ 18 իրավաբանական անձանցով համալրելու մասին ԵՄ Խորհրդի որոշումը, որոնց արգելված է մուտք գործել ԵՄ երկրներ եւ նրանց բանկային հաշիվները, եթե այպիսիք կան, սառեցվում են:
Ցուցակի մեջ ընդգրկվել են Անվտանգության դաշնային ծառայության ղեկավար Ալեքսանդր Բորտնիկովը, Արտաքին հետախուզության պետ Միխայիլ Ֆրանդկովը, ՌԴ Անվտանգության խորհրդի քարտուղար Նիկոլայ Պատրուշեւը եւ Չեչնիայի ղեկավար Ռամզան Քադիրովը:
Պատժամիջոցների ցուցակում ընդգրկված են նաեւ Անվտանգության խորհրդի փոխնախագահ Ռաշիդ Նուրգալիեւը, Խորհրդի անդամ Բորիս Գրիզլովը, Անվտանգության դաշնային խորհրդի 5-րդ վարչության ղեկավար Սերգեյ Բեսեդաին, Պետդումայի պատգամավոր Միխայիլ Դեկտրյարեւը եւ Կրասնոդարի մարզի ղեկավար Ալեքսանդր Տկաչեւը:
