Լիբիայի մայրաքաղաք Տրիպոլիում ԱՄՆ-ի դեսպանատունը տարհանել են քաղաքում շարունակվող մարտական գործողությունների պատճառով, հայտնել է Պետդեպարտամենտը:

Քադաֆիի տապալումից հետո Լիբիայում չեն դադարում քաղաքացիական բախումները: Վերջին շաբաթներին Տրիպոլիում ԱՄՆ-ի դեսպանատան մոտ մարտական գործողություններ են ընթանում հակամարտող խմբավորումների միջեւ՝ հրետանու կիրառմամբ, փոխանցում է «ՌԻԱ Նովոստին»:

Դիվանագետները ժամանակավորապես տեղափոխվել են հարեւան Թունիս: ԱՄՆ-ի պետքարտուղար Ջոն Քերիի խոսքով՝ դեսպանատնից տեղափոխել են 700 մարդու: Պետդեպի ներկայացուցիչ Մարի Հարֆը հայտարարել է, որ դիվանագետներին տեղափոխել են ավտոտրանսպորտով, եւ Թունիսի ղեկավարությունը շնորհակալություն է հայտնել աջակցության համար:

Պետդեպը նաեւ ԱՄՆ քաղաքացիներին կոչ է արել զերծ մնալ Լիբիա այցելելուց: