Կովկասի մահմեդականների վարչության ղեկավար շեյխ-ուլ-իսլամ Ալլահշուքյուր Փաշազադեն դեմ է գիտությանը:
Ինչպես հաղորդում է «haqqin.az»-ը, Ադրբեջանում տեղեկատվական եւ աստվածաբանական պատերազմ է բռնկվել կապված Ռամազանի օրվա որոշման հետ: Սոցիալական ցանցերում բանավեճեր են սկսվել առաջիկա տոնական աղոթքի շուրջ:
Նախօրեին Կովկասի մահմեդականների վարչության ղեկավար շեյխ-ուլ-իսլամ Ալլահշուքյուր Փաշազադեն հայտարարել է, որ տոնական նամազը պետք է իրականացվի հուլիսի 29-ին:
Սակայն գիտությունը նրա հետ համաձայն չէ: Շեմախինի աստղադիտարանի առաջատար գիտաշխատող, ֆիզիկա-մաթեմատիկական գիտությունների թեկնածու Նազիմ Հուսեյնովն ասել է, որ իրեն հայտնի չեն պատճառները, որոնց հիման վրա Ա. Փաշազադեն տոնական աղոթքի օր հայտարարել է հուլիսի 29-ը. «Հուլիսի 27-ը Ռամազան ամվսա վերջին օրն է: Համապատասխանաբար հուլիսի 28-ն ՝ տոնական օր: Եվ տոնական աղոթք պետք է այդ օրն իրականացնել: Չէ որ ամեն ինչ պարզ է, մեզ մոտ համակարգչային համակարգ է, որն ավտոմատ որոշում է լուսնային օրացույցով ամսնվա ավարտը»: