Վրաստանի խորհրդարանը շաբաթ արտահեր նիստ էր գումարել կավարարության թարմացված կազմին եւ նրա ծրագրին վստահության քվե հայտնելու նպատակով: Ընթացակարգն պարտադիր էր, քանի որ նախարարների 1/3 փոխարինվել է:
Վարչապետ Իրաքլի Գարիբաշվիլին շաբաթվա սկզբին հայտարարել էր նախարարների մի մասի փոխարինման մասին, ինչը նրա կարծիքով, անհրաժեշտ է կառավարության արդյունավետության բարձրացման նպատակով: Չորս նախարար եւ մեկ պետմախարար զրկվել են իրենց պաշտոնից, եւս երկու նախարարներ կառավարության կազմում են, սակայն տեղափոխվել են այլ ոլորտներ, հաղորդում է «Վրաստանի նորությունները»:
Գյուղատնտեսության նախարարությունը կղեկավարի Օթար Դանելիան, տարածքային զարգացման և ենթակառուցվածքների նախարարությունը` Դավիթ Շավլիաշվիլին, արդարադատության նախարարությունը` Գեորգի Մղեբրիշվիլին, իսկ Սփյուռքի հարցերով պետնախարարի պաշտոնի թեկնածուն Գելա Դումբաձեն է:
Բացի այդ, տարածքային զարգացման նախկին նախարար Էլգուջա Խոկրիշվիլին կզբաղեցնի շրջակա միջավայրի ու բնական պաշարների նախարարի պաշտոնը:
Ինչ վերաբերում է հարկադիր վերաբնակների, փախստականների և տարաբնակեցման գործերի նախարարությանը, ապա այն կգլխավորի Սոզար Սուբարին:
Վրաստանի թարմացված կառավարությունը ներկայացրել է իր ծրագիրը, որը բխում է ԵՄ –ի հետ ասոցացման մասին համաձայնագրի ստորագրունից հետո ստանձնած պարտավարություններից: