Արաբական Միացյալ Էմիրություններն օգոստոսից բազմանգամյա վիզաներ կսահմանի տուրիստների եւ աշխատելու համար ժամանող օտարերկրացիների համար, շաբաթ գրում է «Arabian Business» պարբերականը:
ԱՄԷ ներքին գործերի նախարարության տեղեկությունների համաձայն՝ կհայտնվեն վիզաների նոր տեսակներ, ինչպես օրինակ վիզաներ սովորողների համար, բժշկական ծառայությունների եւկոնֆերանսների այցելելու համար վիզաներ:
Փոփոխություններ տեղի կունենան նաեւ վիզաների տրամադրման եւ վճարման համակարգում: Դրանք ուղղված են զբոսաշրջիկների թվի ավելացմանը եւ ԱՄԷ տնտեսական աճին: Նախարարությունը հաստատել է վիզաների արժեքի հետ կապված փոփոխությունը, տեղեկությունը հասանելի կդառնա դրա կայքում հաջորդ շաբաթ, հաղորդում է «ՌԻԱ Նովոստին»:
2014թ.-ի առաջին կեսին ԱՄԷ այցելել է մոտ 22 մլն մարդ: Միայն Դուբայում նույն ժամանակահատվածում 570 հազար վիզա է տրամադրվել, կամ նախորդ տարվա համեմատ 30 տոկոսով ավել: