Խնդրահարույց է դարձել սահմանամերձ գյուղերի բնակչությանը զինել-չզինելու հարցը։ Այդ մասին Facebook-ի իր էջում գրել է նախկին վարչապետ, ԱԺ պատգամավոր Հրանտ Բագրատյանը:
«Ընդ որում, ՀՀ իշխանությունները, ըստ մամուլի հաղորդագրության, դրան դեմ են։ Այս կապակցությամբ հիշատակում եմ 2013-ի նախագահական ընտրություններին իբրեւ թեկնածու իմ բանակային ծրագրից (ի դեպ, միակն եմ եղել, որ բանակային ծրագիր է ներկայացրել) հետեւյալ միտքը. սահմանային գյուղերի բնակիչներին պետք է զինել եւ ամրագրել որոշակի զինական պարտականություններ։ Մշտապես։
Դրա համար նրանց պետք է ամսեկան փոքրիկ վարձատրություն նախատեսել։ Վարձատրության չափերը պետք է բազմապատկել պատերազմական գործողությունների ժամանակ»,- գրել է Բագրատյանը։
