Բրիտանիայի փոխվարչապետ Նիք Քլեգը պահանջել է զրկել Ռուսաստանին 2018-ի ֆուտբոլի աշխարհի առաջնությունն անցակցնելու իրավունքից եւ կոչ է արել ավելի խիստ պատժամիջոցներ կիրառել՝ Մոսկվայի «ռազմաշունչ վարքի» համար:
Sunday Times-ին տված հարցազրույցում նա հայտարարել է, որ չի կարելի Վլադիմիր Պուտինին հնարավորություն տալ բավականություն ստանալ հեղինակավոր առաջնության անցկացումից: «Օդանավի սարսափելի կործանումից հետո ԵՄ-ն պարզապես պետք է ավելի խիստ լինի Պուտինի նկատմամբ»,-ասել է Քլեգը, հաղորդում է BBC-ի ռուսական ծառայությունը:
Ավելի վաղ Սպիտակ Տանն էին հայտարարել, որ Malaysia Airlines ընկերությանը պատկանող Բոինգին հարվածելու համար անձնական պատասխանատվություն են կրում Ռուսաստանն ու Վլադիմիր Պուտինը:
Ռուսաստանը հայտարարել է, որ իր հասցեին նման հայտարարությունը զրպարտանք է: