Վենեսուելայի նախկին նախգահ Ուգո Չավեսին հայտարարել են իշխող Վենեսուելայի միասնական սոցիալիստական կուսակցության հավերժ առաջնորդ: Այս մասին հաղորդում են միջազգային լրատվամիջոցները:
Համապատասխան որոշումը Կարակասում կայացրել են կուսակցության 3-րդ համագումարի պատվիրակները: Երկրի ներկա նախագահ Նիկոլաս Մադուրոն ընտրվել է կուսակցության նախագահ:
«Մենք մեր գերագույն գլխավոր հրամանատար Ուգո Չավեսին ճանաչում ենք որպես Վենեսուելայի միասնական սոցիալիստական կուսակցության հավերժ առաջնորդ եւ հիմնադիր նախագահ՝ ի նշան այն անչափելի ժառանգության, րը նա թողել է այս եւ հետագա սերունդների համար»,-հայտարարել է համագումարի պատվիրակներից մեկը:
Ուգո Չավեսը մահացել է 2013-ի մարտին, քաղցկեղից: Նա Վենեսուելան ղեկավարել է 14 տարի: Վերջին տարում երկրի տնտեսական վիճկը վատթարացել է:
Ընդդիմության կողմնակիցները բազմիցս բողոքել են բարձր գնաճի եւ աճող հանցավորության դեմ, որի համար նրանք մեղադրում են սոցիալիստների ձախողված քաղաքականությունը: