Երկու տարի առաջ ժամանակակից ամբողջ ենթակառուցվածքներն աղետի եզրին էին՝ մարդկության պատմության մեջ արեւային խոշորագույն փոթորկի պատճառով: Այս մասին հաղորդում է CNN-ը:
2012 թվականի ամռանն Արեւի վրա տեղի ունեցած բազմաթիվ պայթյունային պրոցեսներն արեւապսակի զանգվածի հզոր արտանետումների պատճառ են դարձել, որոնք հուլիսի 23-ին անցել են Երկրի ուղեծրային հետագիծը:
Կոլորադոյի համալսարանի ֆիզիկոս Դանիել Բեյքերի հոդվածի համաձայն, եթե այդ տեղի ունենար մեկ շաբաթ առաջ, Երկիրը հրի ուղիղ գծում կհայտնվեր: Գիտնականը պնդում է, որ արեւային հզոր փոթորկի հետեւանքները Երկիր մոլորակի բնակիչների համար աղետալի կլինեին:
Բազմաթիվ տեխնոլոգիաներ շարքից դուրս կգային. ռադիոընդունիչներից եւ GPS համակարգերից մինչեւ զուգարաններ: Ընդ որում, միլիարդավոր դոլարների վնաս կհասցվեր, իսկ էլեկտրահաղորդման գծերի վերականգնման համար տարիներ կպահանջվեին: Այս ամենը կործարար ազդեցություն կունենար առեւտրի, տրանսպորտի, գյուղատնտեսության, ջրամատակարարման, առողջապահության եւ, արդյունքում, մարդկության գոյության համար:
«Ոչ ոք չգիտի, թե երբ տեղի կունենա արեւային հաջորդ հզոր փոթորիկը: Հնարավոր է՝ 100 տարի, իսկ հնարավոր է՝ 100 օր հետո»,- NASA-ի հաղորդագրությունն է մեջբերում «Российская газета»-ն: