Լիբիայի մայրաքաղաք Տրիպոլիում հարձակում են գործել բրիտանական դիվանագիտական առաքելության վրա: Այդ մասին հաղորդում է ԻՏԱՌ-ՏԱՍՍ-ը՝ վկայակոչելով «SkyNews Arabia»-ին:
Հեռուստատեսության տվյալներով՝ հարձակման հետեւանքով ոչ ոք չի տուժել: Հեռուստաալիքն այլ մանրամասներ չի հաղորդում:
Ինչպես արդեն հաղորդում էին, ԱՄՆ-ը հուլիսի 26-ին Լիբիայից տարհանել է այնտեղ գտնվող դեսպանությունը՝ տեղափոխելով այն Թունիս: Հուլիսի 25-ին Լիբիայում իր դեսպանության գործունեությունն է դադարեցրել Թուրքիայի ԱԳՆ-ն: Արտգործնախարարությունը նաեւ խորհուրդ է տվել Թուրքիայի բոլոր քաղաքացիներին, ովքեր Լիբիայում են գտնվում, անմիջապես լքել երկիրը:
Տրիպոլիում իրավիճակը ծայրահեղ լարված է: Հուլիսի 13-ից այնտեղ շարունակվում են մարտերը միջազգային օդանավակայանի համար ծայրահեղականներին պատերազմ հայտարարած գեներալԽալիֆ Հաֆթարին աջակոցող «Զինթանի խմբավորման» եւ իսլամիստական խմբավորումների միջեւ: