Ռուսաստանում հուլիսի 28-ից ուժի մեջ կմտնի Ուկրաինայից կաթնամթերքի ներմուծման արգելքը, հաղորդում է «ՌԻԱ Նովոստին»: Ինչպես հաղորդում են Մոսկվայում, այդ որոշումը պայմանավորված է ռուսական անասնաբուժական-սանիտարական պահանջների բազմաթիվ խախտումներով:
Բացի այդ, այժմ ուկրաինական բուսական արտադրանքը արգելված է նաեւ ձեռքի ուղեբեռում, ծանրոցներում եւ ուղեբեռում:
Ռուսաստանը մոտ ժամանակներս, հնարավոր է, ամբողջովին հրաժարվի ուկրաինական բուսական արտադրանքից: «Ռոսսելխոզնադզորի» ղեկավարի օգնականի՝ Ալեքսեյ Ալեքսեենկոյի խոսքով՝ այդ երկրի միջոցով հաճախակիացել է Մոլդովայից արգելված արտադրանքի փոխադրումը:
Բացի այդ, ՌԴ-ում գործում են Ուկրաինայից կարտոֆիլի եւ խոզի ինչպես նաեւ Roshen հրուշակեղենային արտադրանքի ներմուծման սահմանափակումները:
