Ճապոնիայում կալանավորել են 15 ամյա աշակերտուհուն, ով կասկածվում է իր դասընկերուհու սպանության եւ անդամահատման մեջ:
Ոստիկանությունը անչափահաս աղջկա մարմնը հայտնաբերել է կասկածյալի տանը:
Ամենայն հավանականությամբ, տուժողին հարվածել են, իսկ հետո խեղդել: Կտրել են նաեւ անչափահասի ձեռքերն ու գլուխը:
Ոստիկանությունը հաղորդում է, որ կասկածյալը դեռեւս չի զղջացել իր արարքի համար:
Վիճակագրորեն Ճապոնիան աշխարհում սպանությունների ամենացածր մակարդակ ունեցող երկիրն է: Սակայն, վերջին 20 տարիների ընթացքում շատացել են երկրում անչափահասների կողմից իրենց հասակակիցների նկատմամբ դաժան սպանությունների թվաքանակը, նշում է BBC-ի ռուսական ծառայությունը: