Փրկարար ծառայությունը հուլիսի 28-ին, ժամը 05.53-ին ահազանգ է ստացել, որ Երեւանի Գրիգոր Լուսավորչի փողոցում՝ քաղաքապետարանի դիմաց, վթար է եղել:
Դեպքի վայր է մեկնել մեկ մարտական հաշվարկ:
Դեռեւս չբացահայտված հանգամանքներում բախվել են «Օպել» մակնիշի 54 ML 444 եւ «BYD» մակնիշի Տ 4137 պետհամարանիշերով ավտոմեքենաները:
Մինչ հրշեջ-փրկարարների կանչի վայր հասնելը՝ «Օպել» մակնիշի ավտոմեքենայի վարորդը եւ «BYD» մակնիշի ավտոմեքենայի վարորդ Հ. Մ.-ը տարբեր աստիճանի մարմնական վնասվածքներով հոսպիտալացվել են Թիվ 1 կլինիկական հիվանդանոց: Բժիշկները տուժածների առողջական վիճակը գնահատել են միջին ծանրության:
Հրշեջ-փրկարարները գազազրկել եւ հոսանքազրկել են ավտոմեքենաները:
