Ուկրաինայի աշխարհաքաղաքական նախագիծը Արեւմուտքի մոտ միանգամից չստացվեց եւ չի էլ ստացվի: Այդ մասին ճեպազրույցի ընթացքում հայտարարել է ՌԴ արտգործնախարար Սերգեյ Լավրովը:
«Ձեւակերպվել է ինչ-որ աշխարհաքաղաքական նախագիծ: Բացարձակ մտացածին պատրվակով, երբ գործող նախագահին մերժվել էր ժամանակ տրամադրել ԵՄ-ի հետ ասոցացման մասին համաձայնությունը վերլուծության համար», - ասել է Լավրովը, հաղորդում է «ԻՏԱՌ-ՏԱՍՍ»-ը:
ՌԴ արտգործնախարարը ուշադրություն հրավիրեց այն հանգամանքին, որ Լոնդոնը երբեմն նույնիսկ սպառնում է Եվրամիությունից դուրս գալով իր ցանկությամբ՝ ցանկանալով իր համար որոշակի նախապատվություններ շահել: «Ինչո՞ւ մերժեցին մի փոքր մտածելու Յանուկովիչի խնդրանքը», - հավելեց Լավրովը:
«Աշխարհաքաղաքական նախագիծը (Ուկրաինայում) նպատակաուղղված է ի վնաս Ռուսաստանի, Ուկրաինայում ապրող ռուսների ուկրաինական աշխարհաքաղաքական տարածքի յուրացմանը», շարունակել է նախարարը: - Դա միանգամից չհաջողվեց անել եւ երբեք էլ չի հաջողվի, քանի որ նման բաները չի կարելի փաթաթել մի պետությանը: Խոստացել են պայմանավորվել նրա հետ, սկսել համնընդգրկուն, բաց երկխոսություն:
Դրա փոխարեն, մասնավորապես Կիեւում ինչ-որ հանձնաժողով են ստեղծել, որը կողասրահում սահմանադրության նախագիծ է մշակել, իսկ հետո այն ուղարկել Վենետիկյան հանձնաժողով:
