Ճապոնիան կհրապարակի այն անձանց ու կազմակերպությունների ցուցակը, որոնց դեմ, ուկրաինական իրավիճակով պայմանավորված, պատժամիջոցներ ներդնելու որոշում է ընդունվել, այդ մասին երկուշաբթի մամուլի ասուլիսին հայտարարել է երկրի կառավարության գլխավոր քարտուղար Յոսիխիձե Սուգան:
«Ուկրաինայի իրավիճակով պայմանավորված՝ մեր երկիրը նոր միջոցառումներ է ներդրել: Առաջինը, կսառեցվեն այն անձանց եւ կազմակերպությունների ակտիվները, ովքեր անմիջական կապ ունեն Ղրիմի՝ Ռուսաստանին միանալու եւ Ուկրաինայի արեւելքում իրավիճակի ապակայունցաման հետ»:
Երկրորդը. մեր երկիրը համաձայնեցնում է Ռուսաստանում նոր նախագծերի վերաբերյալ իր գործողությունները Վերակառուցման եւ Զարգացման եվրոպական բանկի ուղիով, ինչպես դա արեց Եվրամիությունը:
Երրորդ, մեր երկրի դիրքորոշումից ելնելով՝ (այն, որ մենք չենք կարող ճանաչել Ղրիմի միացումը Ռուսաստանին) սահմանափակումներ կդրվեն Ղրիմից ներմուծվող ապրանքների նկատմամբ», - ասել է գլխավոր քարտուղարը, հաղորդում է «ՌԻԱ Նովոստին»:
Ճապոնիան Ռուսաստանի դեմ պատժամիջոցներ ներդրած «յոթնյակի» երկրներից ամենավերջինն է, եւ այսօրվա դրությամբ, դրանք ամենաթեթեւն են: