Մոսկվայի քաղաքային դատարանը 17 տարվա ազատազրկման է դատապարտել Ադրբեջանի քաղաքացի Օրհան Զեյնալովին: Նա մեղադրվում էր Եգոր Շչերբակովի սպանության մեջ, ինչի պատճառով 2013թ. Մոսկվայի Արեւմտյան Բիրյուլեւո շրջանում անկարգություններ էին ծագել:
Իր հերթին, դատախազը խնդրել էր Զեյնալովին 18 տարվա խսիտ ռեժիմի ազատազրկման ենթարկել:
Քննության վարկածով՝ 2013թ. հոկտեմբերի 10-ի գիշերը Զեյնալովը, գտնվելով ալկոհոլային հարբածության վիճակում եւ աննշան պատրվակն օգտագործելով, 25-ամյա Մոսկվայի բնակիչ Եգոր Շչերբակովի հետ կոնֆլիկտ է հրահրել եւ վեճի արդյունքում դանակահարել վերջինիս:
Բիրյուլեւում կատարված սպանությունը զանգվածային անկարգությունների էր հանգեցրել:
Նշվում է, որ դատարանը Զեյնալովին մեղավոր է ճանաչել «Սպանություն» հոդվածով: Մարդասպանը սպանվածի ընտանիքին նաեւ 3 մլն ռուբլի պետք է վճարի:
