«Infiniti» ավտոարտադրողը G37 մոդելը թողարկելու է այլ՝ Q40 անվանումով: Նման որոշում է կայացվել մի շարք մոդելների վերանվանման պատճառով (գործընթացը մեկնարկել է անցյալ տարի): Մեքենայի արտաքինն ու բնութագրերը չեն փոխվել:
ԱՄՆ-ում այս մեքենան վաճառվում է լիարժեք եւ հետին քարշակի համակարգով: Երկու մոդելներն էլ 100 կմ արագությունը «բացում են» 6 վայրկյանում: Մոդելի առավելագույն արագությունը սահմանափակված է էլեկտրոնիկայով (240 կմ/ժ):
ԱՄՆ շուկայում Q40-ն չորս գույն է ունենալու, ինչպես նաեւ երկու տարբերակ՝ Moonroof եւ Navigation Plus:
Մեքենաների պաշտոնական գինը դեռեւս գաղտնի են պահում: Մինչեւ վերանվանումը, սեդանն ԱՄՆ տարածքում արժեր 22 հազար դոլար (հետին քարշակ) եւ 34.55 հազար դոլար (չորս քարշակ):