Յոթամյա Էդվին Բլոմդալը իր ծնողների հետ շվեդական Կալմար քաղաքից դեպի Բեռլին 370 կմ ճանապարհ է անցել: Բլոմդալների ընտանիքը ծրագրել էր ճանապարհորդության վրա մեկ շաբաթ ծախսել, սակայն հասցրել է ընդամնեը 4 օրվա ընթացքում: Ուղեւորության ընթացքում տղան իր բլոգում ճանապարհային գրառումներ է արել:
Տղայի ծնողները նախատեսել էին, որ նրանք ստիպված են լինելու կանգնել, եւ ճանապարհի մի մասն ընդհանրապես գնացքով անցնել: Սակայն արդեն ճանապարհորդության առաջին օրը ընտանիքին հաջողվել է 103 կմ անցնել: Մնացյալ երեք օրերին նրանք միջինում 100 կմ ճանապարհ են անցել:
Հեծանվաշրջագայությանը մասնակցել է նաեւ երեքամյա Էմմա Բլոմդալը, ում տեղավորել են մոր հեծանվի հետեւի նստատեղում: Ծնողները ակնկալում են, որ հաջորդ շրջագայությանը Էմման իր սեփական հեծանվով կուղեւորվի, հաղորդում է Lenta.ru-ն:
Էդվին Բլոմդալը սովորել է հեծանիվ վարել 3,5 տարեկանից: Երեխան բլոգ է վարում, որտեղ հրապարակում է ճանապարհորդություններից ստացած իր կարճ տպավորություններն ու լուսանկարները:
