Եվրամիության երկրների մշտական ներկայացուցիչները Բրյուսելի նիստի ընթացքում Ռուսաստանի եւ Ուկրաինայի համար սեւ ցուցակի ընդլայնման նոր պայմանավորվածություն են ձեռք բերել, հաղորդում է «ԻՏԱՌ-ՏԱՍՍ»-ը՝ վկայակոչելով ԵՄ ներկայացուցիչներից մեկին:
Նրա խոսքով, այս անգամ 28 երկրների մշտական ներկայացուցիչների կոմիտեն համաձայնել է «ավելացնել ռուս քաղաքական գործիչներին սատարող կամ նրանց հետ առնչությունից օգուտ քաղող ֆիզիակական եւ իրավաբանական անձանց, որոնց հաշվիվները կսառեցվեն, ինչպես նաեւ կարգելվի մուտքը ԵՄ»:
Բացի այդ, ԵՄ կարծիքով Ուկրաինայի տարածքային ամբողջականության խախտման համար պատասխանատվություն կրող մի շարք կառույցների նկատմամբ պատժամիջոցների ներմուծման մասին համաձայնություն է ձեռք բերվել, հայտնել է պետպաշտոնյան:
«Կոմիտեն նաեւ պայմանավորվածություն է ձեռք բերել հուլիսի 16-ից, Եվրախորհրդի հանձնարարությանը համապատասխան, Ղրիմում եւ Սեւաստոպոլում առեւտուրը եւ այնտեղ ներդրումների հոսքը սահմանափակող հետագա միջոցառումների շուրջ», - ասել է պետպաշտոնյան: