Բրազիլիայի նախագահ Դիլմա Ռուսեֆը քննադատել է Գազայի հատվածում Իսրայելի գործողությունները: Այդ մասին հաղորդում է «ՌԻԱ Նովոստին»:
«Այն ինչ տեղի է ունենում Գազայի հատվածում, վտանգավոր է: Չեմ կարծում, որ դա կարել է ցեղասպանություն որակել, սակայն վստահ եմ, որ դա սպանդանոց է: Ուժերի անհամամասնական օգտագործում է տեղի ունենում», - հայտարարել է հարավամերիկյան պետության առաջնորդը:
Իսրայելը պաղեստինյան անկլավում «Անպարտելի ժայռ» գործողությունն է իրականացնում, որի նպատակը ՀԱՄԱՍ-ի ռազմական ներուժը վնասելն ու հրթիռային ռմբակոծությունների դադարեցումն է: Այդ ընթացքում Գազայի հատվածում հազարից ավելի մարդիկ են զոհվել, ավելի քան 6000-ը՝ վիրավորվել:
