Կենսաբանները վաղուց էին կասկածում, որ բնության մեջ կարմիր ու սեւ մրգերի առատության պատճառն այդ գույների հանդեպ թռչունների մեծ սերն է, որոնք ուտում են պտուղներն ու տարածում սերմերը: Չինաստանի գիտությունների ակադեմիայի Բուսաբանական այգու աշխատակից Ժույչան Զյուանը ցանկացել է ստուգել այս ենթադրությունը: Այս մասին գրում է Лента.Ру-ն:
Գիտնականներն արհեստական մրգերով գիտափորձ են անցկացրել, որոնք առաջարկել են ինչպես վայրի, այնպես էլ ձեռնասուն թռչուններին:
Արդյունքում պարզվել է, որ թռչունները միանշանակ նախընտրել են սեւ եւ կարմիր պտուղները (չնայած ընտանիներին առավելապես դուր են եկել սեւ պտուղները): Նաեւ հստակ արտահայտվել է կանաչ գույնի մրգերի հանդեպ թեւավորների անբարյացկամությունը:
Այսպիսով, հաստատվել է ենթադրությունն այն մասին, որ թռչունների գունային նախընտրություններն ազդում են Ասիայի տրոպիկական շրջաններում մրգերի գունային զարգացման վրա: