Թվային կապը հատկապես կարեւոր է Հայաստանի համար՝ հաշվի առնելով տարածաշրջանի սահմանամերձ հարցերը: Այդ մասին այսօր՝ հուլիսի 29-ին, լրագրողներին հայտարարեց Հայաստանում ԱՄՆ դեսպան Ջոն Հեֆերնը
Դեսպանը ողջունել է Հայաստանում Oracle-ի՝ եկամտի մեծությամբ աշխարհի երկրորդ ՏՏ ընկերության գործունեությունը: Նա հույս հայտնեց, որ այս եւ այլ ամերիկյան ՏՏ ընկերությունները, որոնք Հայաստանում քիչ չեն, հետայսու եւս մեծակշիռ ավանդ կունենան երկրի տնտեսական կյանքում:
«Մենք կարծում ենք, որ Հայաստանի ապագան գիտելիքի վրա հիմնված տնտեսության մեջ է: Հաշվի առնելով այն փաստը, որ տարածաշրջանում ֆիզիկական սահմանների հետ կան մի շարք խնդիրներ, թվային կապը հատուկ նշանակություն է ձեռք բերում», - ընդգծել է դեսպանը:
Նրա խոսքով՝ թվային տեխնոլոգիաների զարգացումը նոր հնարավորություններ կընձեռի տաղանդավոր երիտասարդներին, իսկ Հայաստանի կարեւոր մրցակցային առավելությունը հենց իր ինտելեկտուալ կապիտալն է: