Ոստիկանության Արտաշատի բաժնում հուլիսի 29-ին հաղորդում է ստացվել, որ ժամը 02.00-ի սահմաններում «ՎԱԶ-21213» մակնիշի ավտոմեքենան Երեւան-Երասխ ճանապարհի 29-րդ կմ-ին բախվել է ճամփեզրին կայանված անհայտ ավտոմեքենայի:
Ոստիկանության մամուլի ծառայությունից հայտնում են, որ վթարի հետեւանքով «ՎԱԶ-21213»-ի վարորդն ու 2 ուղեւորները մարմնական վնասվածքներով տեղափոխվել են հիվանդանոց:
Ձեռնարկվում են միջոցառումներ անհայտ ավտոմեքենան հայտնաբերելու ուղղությամբ:
Կատարվում է նախաքննություն: