Ոստիկանության Թումանյանի բաժնում, հուլիսի 28-ին, ժամը 20.50-ին, հաղորդում է ստացվել, որ Ալավերդի-Սարահարթ ճանապարհին ավտովթար է տեղի ունեցել:
Ոստիկանության մամուլի ծառայությունից հայտնում են, որ մեկնած օպերատիվ խումբը պարզել է, որ նույն օրը, ժամը 20.40-ի սահմաններում, «Օպել Վեկտրա» մակնիշի տաքսի ավտոմեքենան Սանահին-Սարահարթ ավտոճանապարհի 1-ին կմ-ին դուրս է եկել հանդիպակած գոտի, բախվել «Նիսսան X-TRAIL» մակնիշի ավտոմեքենայի եւ կողաշրջել:
Պատահարի հետեւանքով վարորդները եւ «Նիսան X-TRAIL»-ի 2 ուղեւորները մարմնական վնասվածքներով տեղափոխվել են հիվանդանոց:
Կատարվում է քննություն: