Թուրքական Դիարբեքիր նահանգում գազատարի պայթյունի հետեւանքով զոհերի թիվը հասել է 20-ի, հաղորդում է «Ռոսբալտը»` վկայակոչելով CNN Turk հեռուստաալիքին:
Ավելի վաղ հաղորդվում էր 6 զոհերի մասին:
Հիշեցնենք, որ հուլիսի 22-ին թուրքական Դիարբեքիր քաղաքի մոտակայքում բենզատարի պայթյունի արդյունքում մոտ 80 մարդ է տուժել:
Դիարբեքիր-Լիջե մայուղու հատվածում շրջվել է բենզատարը:
Վարորդը կորցրել է կառավարումը եւ բենզատարը շրջվել է: Ավտոբուսների ուղեւորները շտապել են օգնել վարորդին, սակայն այդ պահին հզոր պայթյուն է որոտացել եւ թափված վառելիքը այրվել է: Կրակը տեղափոխվել է նաեւ մոտակայքում գտնվող տրանպորտային միջոցների վրա:
Մեկ մարդ տեղում մահացել էր, 69-ը՝ տարբեր աստիճանի այրվածքներով տեղափոխվել տարբեր հիվանդանոցներ: 18-ի վիճակը ծայրահեղ ծանր էր գնահատվել: