Ոստիկանության Մաշտոցի բաժնի կողմից որպես անհայտ կորած հետախուզվում է 1997 թ. ծնված, Երեւանի թիվ 6 հատուկ դպրոցի 9-րդ դասարանի աշակերտ Գագիկ Ավագյանը, որը հուլիսի 10-ին, ժամը 19.00-ին, դուրս է եկել իրենց տնից` Մարգարյան փողոցի 37 շենքի 38 բնակարանից, եւ մինչ օրս նրա գտնվելու վայրն անհայտ է:
Ոստիկանության լրատվության վարչությունից հայտնում են, թե Ավագյանը տառապում է տկարամտությամբ: Ովքեր որեւէ տեղեկություն ունեն անհայտ կորածի վերաբերյալ` խնդրում ենք զանգահարել ոստիկանության Մաշտոցի բաժին հետեւյալ հեռախոսահամարներով 010-34-02-02, 010-39-11-09, 055-00-22-46 կամ դիմել ոստիկանության մոտակա բաժին։