News
Լրահոս
News
Երեքշաբթի
Մարտ 19
Տեսնել լրահոսը


«Երեւան մոլի» հարեւանությամբ գտնվող  Լազոյի փողոցում այսօր՝ հուլիսի 29-ին, 14:00-ի սահմաններում բռնկված խոշոր հրդեհը վնասել է մի քանի սեփական տների տանիքներ, իսկ կրակը հանգցրած ջուրը՝ փչացրել այդ եւ հարակից տների ներքին հարդարումը եւ կահույքը:

«Շլանգը, որ պահեցին կռիշներին, էդ ջրերն են թափվում, կահույքը լրիվ փչացավ: Էդ ժեշտերը քանդել են, էգուց կարող ա սենյակը նստի»,- NEWS.am-ի հետ զրույցում մտահոգված պատմում էին Լազոյի նրբանցք 22/1 տան բնակիչները, որոնք կահույքի վրա պոլիեթիլեն էին անցկացրել եւ տարաներ դրել, որպեսզի առաստաղից հոսող ջուրը չփչացնի տան ներքին հարդարումը եւ տեխնիկան։

Բնակիչներից Անահիտ Կարապետյանը  պատմեց, որ տեսել է՝ ինչպես է հրդեհը բռնկվել, բայց  քանի որ փողոցի տան տանիքներն իրար կպած են, չի հասկացել, թե որտեղից, որ կտուրից է հրդեհն սկսվել:

«Ես բուրդ էի լվանում բակում, տեսա՝  բոց ա, կրակ ա: Չենք պատկերացնում, թե ում տանիքից է հրդեհը բռնկվել՝ իմ, էն մյուսի, թե էն մյուսի: Լսում  էինք ճտճտոց, մենք մեր շլանգներով փորձեցինք կրակը հանգցնել, մինչեւ եկան փրկարարները: Սրանք հին սեփական տներ են՝ 30 թվի կռիշներ են՝ փայտ ու ժեշտ»:

Խոշոր հրդեհը հանգցնելու համար դեպքի վայր էին ժամանել հրշեջ-փրկարարական ջոկատներ՝6  մարտական հաշվարկ: Կրակի մարման աշխատանքներին օգնում էին նաեւ բակի բնակիչները: Օգնության էին հասել նաեւ «Շտապօգնության» աշխատակիցները, որոնք բուժօգնություն էին ցույց տալիս հրդեհված տների բնակիչներին, փրկարարներին։

Փրկարարները տներից տարհանել են բոլոր բնակիչներին, տուժողներ չկան:

Ինչպես ավելի վաղ հայտնել էր NEWS.am-ը, այսօր՝ հուլիսի 29-ին, 14:00-ի սահմաններում Երեւանի Լազոյի նրբանցքի 18 եւ 20 տներում հրդեհ էր բռնվել: Փրկարարները քանդում էին կտուրի ծածկը, որպեսզի հանգցնեն կրակը: Քանի որ տները միմյանց շատ մոտ են գտնվում մտավախություն կար, որ կրակը կարող է նաեւ հասնել հարակից սեփական տներին:

Տպել
Կարդացեք նաև
Ամբողջը
Ավտովթար՝ Սիսիան-Գորիս ճանապարհին. Բախումից հետո «ՎԱԶ»-ում հրդեհ է բռնկվել. կա 4 զոհ. վիրավորի վիճակը ծանր է
Մարտի 19-ին, ժամը 05:40-ին Սյունիքի մարզային փրկարարական վարչության ճգնաժամային կառավարման կենտրոն...
Եղբայրներով ծեծել են տաքսու վարորդին, վնասել մեքենան. Նրանցից մեկը դանակահարել է տաքսու կին ուղեւորին
Կենցաղային հարցերի շուրջ վիճաբանությունն ավարտվել էր դանակահարությամբ. կան ձերբակալվածներ...
Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել և կալանավորվել է. ՔԿ
ՀՀ քննչական կոմիտեի Սյունիքի մարզային քննչական վարչության Գորիսի քննչական…
Բերման ենթարկված հետախուզվողի մոտ ծալովի դանակ է հայտնաբերվել
ՆԳՆ ոստիկանության ՊԾ գնդի 4-րդ գումարտակի ծառայողները...
Աբովյանում երկու կողմից փակել են մեքենայի ճանապարհը, խմբով հարձակվել ու ծեծել վարորդին, կրակել նրա ուղղությամբ. ՔԿ
ՀՀ քննչական կոմիտեի Կոտայքի մարզային քննչական վարչությունում շարունակվում...
Քանաքեռավանի գազալցակայանում պայթյունի հանգամանքները պարզվում են քրվարույթի շրջանակում. ՔԿ-ն մանրամասնում է
2024 թվականի մարտի 16-ին՝ ժամը 19․10-ի սահմաններում, Կոտայքի մարզի Նոր...
Ամենաշատ